ایمرسن یونیورسٹی کے نئے اساتذہ کے اعزاز میں افطار ڈنر

وائس چانسلر ایمرسن یونیورسٹی ملتان پروفیسر ڈاکٹر محمد رمضان نے وی سی ہاؤس میں یونیورسٹی کے اساتذہ کے لئے افطار ڈنر کا اہتمام کیا۔

اس موقع پر وائس چانسلر ایمرسن یونیورسٹی ملتان نے گفتگو کرتے ہوئے کہا کہ ماہ صیام ہمیں صبر و استقامت کے ساتھ ایثار کا بھی درس دیتا ہے، ہم خوش نصیب ہیں کہ اللہ نے ہمیں ماہ رمضان کی فیوض و برکات حاصل کرنے کی سعادت نصیب فرمائی۔

ہمیں بطور مسلمان اور ایک اچھے انسان کے یہ کوشش کرنی ہے کہ اس ماہ میں جہاں اور بہت سے نیکی کے کام سر انجام دے رہے ہیں وہیں اپنے اس پاس موجود ضرورت مند لوگوں کا بھی خیال رکھیں۔

واضح رہے کہ افطار ڈنر میں نئے بھرتی ہونے والے 56 اسٹنٹ پروفیسر و یونیورسٹی کے دیگر اساتذہ نے شرکت کی، افطار ڈنر کے منتظمین میں پروفیسر مقصود رضوی، پروفیسر واصف پروفیسر ڈاکٹر محمد نعیم اور عون عباس شامل تھے۔