ویمن یونیورسٹی ملتان میں ’’پنک بس سروس‘‘ کا افتتاح آج ہوگا

ترجمان کے مطابق ضلعی انتظامیہ ملتان اور ویمن یونیورسٹی ملتان کے تعاون سے ’’پنک بس سروس‘‘ آج جمعہ سے شروع ہو رہی ہے ۔

اس پراجیکٹ کی افتتاحی تقریب جناح ہال کہچری کیمپس ویمن یونیورسٹی میں منعقد ہوگی، جس میں ضلعی افسران ، کمشنر، ڈپٹی کمشنر اور وفاقی محتسب مسز فوزیہ وقار شرکت کریں گی، اور اس سروس کا افتتاح کریں گی۔

اس سلسلے میں تمام فیکلٹی ممبران کو ہدایت کی گئی ہے کہ وہ اپنے شعبہ کی ایک طالبہ کے ساتھ اس تقریب میں شرکت کریں گی، اور شرکاء کو ڈریس کوڈ پر عمل کرنا ہوگا، اور موقع کی مناسبت سے پنک لباس پہن کر آنا ہوگا۔