ویمن یونیورسٹی میں اساتذۃ کی کمی پوری کرنے کےلئے بڑا فیصلہ

ویمن یونیورسٹی نے اساتذۃ کی کمی کو پورا کرنے کےلئے وزیٹنگ فیکلٹی تعینات کرنے کا فیصلہ کیا ہے، جس کےلئے درخواستیں طلب کرلی گئیں ہیں۔

بتایا گیاہے کہ ویمن یونیورسٹی میں طالبات کی بڑھتی ہوئی دلچسپی کی وجہ سے اساتذہ کی کمی ہوگئی ہے، یونیورسٹی کے 25شعبوں میں اساتذہ کی کمی کو پورا کرنے کےلئے نئی تعینات ہونے والی وائس چانسلر نے فوری طور وزیٹنگ اساتذہ کو تعینات کرنے کا فیصلہ کیا ہے۔

25 شعبوں جن میں اپلائیڈ سائیکالوجی، عربی، بائیو کیمسٹری، بائیو ٹیکنالوجی ، باٹنی، کیمسٹری، کمپیوٹر سائنسز ، اکنامکس ، انگلش، ماحولیات، تاریخ ، انفارمیشن ٹیکنالوجی، انٹرنیشنل ریلیشنز، اسلامک سٹڈیز ، مینجمنٹ سائنسز، ماس کیمیونیکشن، میتھ ، مائیکروبائیولوجی، مالیکولر جینٹکس ، پاکستان سٹیڈیز، فارمیسی، فزکس ، سیاسیات ، سوشیالوجی، شماریات ، اردو، زوالوجی شامل ہیں۔

امیدواروں کو ہدایت کی گئی ہے کہ وہ 10اگست تک رجسٹرار کو درخواستیں جمع کرواسکتے ہیں ۔