ویمن یونیورسٹی ملتان کا 90 فیصد عملہ الیکشن میں ڈیوٹی سر انجام دے گا

ویمن یونیورسٹی ملتان کا 90 فیصد سے زائد عملہ الیکشن ڈیوٹی دے گا، جس کےلئے دو روزہ ٹریننگ بھی مکمل کرلی گئی، جس میں اساتذہ، ایڈمنسٹریشن عملہ شامل ہے۔

اس بارے وائس چانسلر کا کہناہے کہ جنرل الیکشن ایک قومی ذمےداری ہے، اور ویمن یونیورسٹی ملتان اس ذمےداری کو پوری ایمانداری اور قومی جذبے سے ادا کرےگی، اسی لئے الیکشن کمیشن نے جتنا عملے کی ڈیمانڈ کی ہم نے پوری کی۔

واضح رہے ایمرسن یونیورسٹی کا 30 فیصد زکریا یونیورسٹی کا 60 فیصد، انجینئرنگ یونیورسٹی کا 25 فیصد، زرعی یونیورسٹی کا 40 فیصد عملہ الیکشن ڈیوٹی سر انجام دے گا۔