کامران بھٹہ کی پی ایچ ڈی مکمل، ڈاکٹریٹ کی ڈگری عطاء کی گئی

ویمن یونیورسٹی ملتان کے اسسٹنٹ رجسٹرار کامران بھٹہ کی پی ایچ ڈی مکمل، ڈاکٹریٹ کی ڈگری عطا کی گئی۔

ویمن یونیورسٹی ملتان کے اسسٹنٹ رجسٹرار کامران بھٹہ کا مجلسی دفاع منعقد ہوا، انہوں نے مینجمنٹ سائنسز میں اپنے مقالے کے بارے میں بریفنگ دی اور شرکاء کے سوالوں کے جواب دئے، جس کے بعد ان کوپی ایچ ڈی کی ڈگری تفویض کرنے کی سفارش کی گئی۔

ڈاکٹر کامران بھٹہ نے تین سال کے مختصر عرصے میں اسلامیہ یونیورسٹی بہاولپور سے اپنی پی ایچ ڈی کی ڈگری مکمل کی، اس سے قبل انہوں نے ایم فل میں گولڈ میڈل بھی حاصل کیا تھا۔

ان کا کہنا تھا کہ یہ کامیابی وہ اپنے اہل خانہ کے نام کرتے ہیں جن کی سپورٹ کے بغیر وہ یہ سنگ میل عبور نہیں کرسکتے تھے ، یونیورسٹی مینجمنٹ کے حوالے سے تجربہ پہلے بھی تھا اب بھی یہ سلسلہ جاری رہے گا۔