ویمن یونیورسٹی کی پی ایچ ڈی سکالر سعدیہ شاہ نواز کا پبلک ڈیفنس
ویمن یونیورسٹی ملتان کے شعبہ زوالوجی کے پی ایچ ڈی سکالر سعدیہ شاہ نواز کا پبلک ڈیفنس کی تقریب منعقد ہوئی، ان کے پی ایچ ڈی کے مقالے کا عنوان ’’ پاکستان کے مریضوں میں پھیپھڑوں کی پرانی خطرناک بیماریوں اورسرفیکنٹ پروٹین بی کا پولرمرز کے ساتھ اشتراک” تھا ۔
تقریب کی مہمان خصوصی ڈاکٹر آسیہ بی بی تھیں اس موقع پر سکالر سعدیہ شاہ نواز کا کہنا تھا کہ موروثی سرفیکٹنٹ پروٹین-بی کی کمی ایک آٹوسومل ریسیسیو عارضہ ہے جو نوزائیدہ بچوں میں مہلک سانس کی تکلیف کا سبب بنتا ہے۔
موروثی سرفیکٹینٹ پروٹین-بی کی کمی کے 70 فیصد کیسز سرفیکٹینٹ پروٹین-بی جین میں 121ins2 میوٹیشن کے لیے ہوموزائگوسٹی کی وجہ سے ہوتے ہیں۔ اس اتپریورتن کے لیے متضاد افراد میں سرفیکٹینٹ پروٹین-B کی جزوی کمی ہوتی ہے اور وہ پھیپھڑوں کی بیماری کا خطرہ لاحق ہو سکتے ہیں جب سرفیکٹنٹ کی خرابی کے لیے اضافی خطرے والے عوامل جیسے تمباکو نوشی اور فضائی آلودگی بھی شامل ہے۔ ہماری ریسرچ نے بتایا ہے کہ ایسے عوامل سے سانس کی دائمی بیماریاں قائم رہتی ہیں۔
اس موقع پر مہمان خصوصی چیئرپرسن شعبہ زوالوجی ڈاکٹر آسیہ بی بی نے کہا کہ ویمن یونیورسٹی سائنس کے میدان میں بھی اپنی کوالٹی ریسرچ کی ترویج کررہی ہے، اور جدید تقاضوں سے جڑے مسائل کواپنی ریسرچ میں جگہ دےرہی ہے تاکہ بنی نوح کی صحت کو بہتر بنایا جاسکے، امید ہے اس ریسرچ سے صحت کے مسائل پر قابو پانے میں مدد ملے گی۔
اس موقع پر اساتذہ اور طالبات بھی موجود تھیں ۔
