ویمن یونیورسٹی ملتان : نئے تعلیمی سیشن میں داخلے شروع ہوگئے
ترجمان کے مطابق 2025 کے نئے تعلیمی سیشن کے لیے داخلوں کا اجراء کر دیا گیا، جس کے لیے اپلائی کرنے کے اخری تاریخ 27 جون 2025 مقرر کی گئی ہے۔
انٹرمیڈیٹ فرسٹ ایئر کے نتائج کے بنیاد پر بی ایس میں داخلے کئے جائیں گے، تاہم امیدواروں کو نتائج کے اعلان ہوتے ہیں اپنا رزلٹ کارڈ جمع کرانا ہوگا۔
ترجمان کا کہنا ہے کہ رواں برس انڈر گریجویٹ، پوسٹ گریجویٹ پروگرامز اے ڈی پی دو سالہ پروگرام بی ایس 4 سالہ پروگرام بی ایس 5واں سمسٹر دو سالہ پروگرام، ڈاکٹر آف فارمیسی ،ڈپلومہ اور سرٹیفیکیٹ، بی ایڈ، پی جی ڈی کے ساتھ ساتھ ایم ایس ایم فل اور پی ایچ ڈی پروگرامز میں داخلے کیے جائیں گے۔
بی ایس پروگرام کے لیے 32 مضامین میں داخلے ہوں گے، ڈپلومہ کے لیے 14 پروگرامز پیش کیے گئے ہیں۔
اسی طرح ایم فل، ایم ایس کے پروگرامز کے لیے 24 مضامین میں داخلے کیے جائیں گے جبکہ پی ایچ ڈی کے لیے باٹنی، بائیو کیمسٹری ،بائیو ٹیکنالوجی، کیمسٹری، اکنامکس، ایجوکیشن، انوائرمنٹل سائنسز، ہسٹری، اسلامک سٹڈیز، میتھمیٹکس، مائیکربیالوجی اور مالیکیولر جنیٹکس، فارماسیوٹیکل فارماکولوجی، فزکس اردو اور زوالوجی کے پروگرامز پیش کیے گئے ہیں۔
یونیورسٹی میں میرٹ پہ آنے والی طالبات کے لیے سکالرشپ رکھے گئے ہیں، جن میں پیف سکالر شپ، ایچ ای سی نیڈ بیس اور یونیورسٹی نیڈ بیس سکالرشپ بھی شامل ہیں جبکہ ہر پروگرامز میں کم سے کم 10 سیٹیں انڈر گریڈ اور پوسٹ گریجوایٹ پروگرام کی سیلف فنانس کے لیے رکھی جائیں گی۔
امیدواروں کو ہدایت کی گئی ہے کہ وہ 27 جون کی شام چار بجے تک اپنے داخلہ فارم یونیورسٹی میں جمع کرا سکیں گی۔
ایم فل اور پی ایچ ڈی میں داخلے کےلئے انٹری ٹیسٹ انعقاد کیا جائے گا۔
