لیول ون کوچنگ کورس کراچی میں مکمل کرلیا گیا
لیول ون کوچنگ کورس کراچی مکمل کر لیا گیا،لیول ون کوچنگ کورس میں خاتون کرکٹر حورینہ سجاد سمیت 27 امیدواروں نے شرکت کی ۔
کورس یکم جولائی سےچار جولائی تک حنیف محمد ہائی پرفارمنس سنٹرکراچی میں جاری رہا۔
چار روزہ کورس نیشنل ہائی پرفارمنس سنٹر کے کوچز راحت عباس ،عمر رشید اور ریجنل کوچز اعظم خان اور طاہر محمود کے زیرنگرانی مکمل ہوا۔
کورس میں شرکت کرنے والے امیدواروں کوکوچنگ کی بنیادی معلومات سمیت بیٹنگ،باؤلنگ،وکٹ کیپنگ اور فیلڈنگ کے بارے میں بتایا گیا۔کمیونیکشن میں مہارت کے علاوہ کوچنگ کاطریقہ کار بھی کورس کا حصہ تھا۔
کورس کے اختتام پر امیدواروں کو اسائنمنسٹس دی گئیں جنہیں تین مہینے کی مدت میں مکمل کر نا ہو گا۔کامیابی کے ساتھ اسائنمنٹس مکمل کرنے والے امیدواروں کی جانچ کی جائے گی۔کامیاب امیدواروں کولیول ون کوچنگ کورس مکمل کرنے کا سرٹیفکیٹ جاری کیا جائے گا۔
لیول ون کوچنگ کورس کا اگلا مرحلہ پشاور ،راولپنڈی اور ملتان میں اکتوبر،نومبر اور دسمبرمیں منعقد کیا جائے گا۔
