محکمہ خصوصی تعلیم کے بجٹ میں 20 کروڑ روپے کا کٹ لگا دیا گیا

پنجاب حکومت نے خصوصی تعلیمی اداروں کے بچوں کے بجٹ میں 20 کروڑ روپے کا کٹ لگا دیا، آئندہ مالی سال کے بجٹ کا تین اعشاریہ ایک فیصد بجٹ معذور بچوں بحالی اور تربیت پر خرچ کیا جائے گا۔

محکمہ اسپیشل ایجوکیشن کی جانب سے معذور بچوں کے سکولوں کی بحالی کیلئے ایک ارب روپے کی ڈیمانڈ کی گئی تھی، معذور بچوں کیلئے آئندہ مالی سال کیلئے صرف 80 کروڑ روپے کے فنڈز جاری ہونگے جبکہ16 کروڑ 70 لاکھ روپے جاری ترقیاتی کاموں کیلئے ڈیمانڈ کی گئی تھی، 83 کروڑ 80 لاکھ روپے نئے منصوبہ جات، سکولوں کی بحالی اور اساتذہ کی تربیت کیلئے مانگے گئے تھے۔