زکریا یونیورسٹی میں طالبات کو بلیک میل کرنے والا بڑے گینگ کا انکشاف
زکریا یونیورسٹی میں ایک بہت بڑے گینگ کا انکشاف ہوا ہے ، جس میں یونیورسٹی ملازمین اور طالب علم شامل ہیں۔
یہ گینگ طالبات کو پاس کرانے کا جھانسہ دے کر جنسی طور پر ہراساں کرتا، اور پھر ان کی ویڈیو بنا لیتا ۔
بعد ازاں ان سے پیسے وصول کرتا، اور ان کو شہر کی بڑے لوگوں کو بھی پیش کیا جاتا۔
ایک طالبہ کی شکایات پر حساس ادارے متحرک ہوگئے، یونیورسٹی ملازمین نے یہ گینگ بنایا ، جس میں 44 ڈیپارٹمنٹس کے ملازمین شامل ہیں، جن میں کلر ک سے لیکر سوئیپر تک شامل ہیں۔
یہ طالبات کی ڈیپارٹمنٹ کے کامن روم سے تصاویر بھی بناتے رہے ، بعدازں ان کے کلاس فیلو یا دیگر شعبوں کے طلباء سے ملکر بلیک میل کرتے۔
پولیس ذرائع کے مطابق سائیکالوجی ڈیپارٹمنٹ کے کلرک منور وینس اور بیالوجی ڈیپارٹمنٹ کے طالب علم ابو بکر کو گرفتار کیا گیا، ان کے موبائل فونز سے نازیبا ویڈیوز بھی برآمد ہوئی ہیں، باقی کی گرفتاری کےلئے چھاپے مارے جارہے ہیں ۔