شہریوں کو گیس پریشر کی سپلائی کےلئے سپیشل ٹاسک فورس قائم کردی گئی

جنرل مینجر شہزاد اقبال لون کے احکامات کی روشنی میں ملتان ریجن میں اسپیشل ٹاسک فورس کا قیام عمل میں لایا گیا ہے، جس کا مقصد کمپیریسر استعمال کرنے والے افراد کے خلاف کارروائی کرنا ہے۔

اس سلسلے میں حکام کا کہنا ہے کہ سردی کی شدت میں اضافہ کے ساتھ نومبر کے مہینے کے وسط سے ہی کمپریسر کے استعمال کے خلاف کارروائی شروع کردی گئی تھی، تاہم اس کا سلسلہ وسیع کرنے کےلئے فورس بنادی گئی ۔

اب ٹاسک فورس کمپریسر استعمال کے خلاف کارروائی میں مصروف عمل ہے اور اب تک 650 سے زائد گیس کنکشن منقطع کیے جا چکے ہیں۔

منقطع کیے جانے والے میٹر ایک ماہ کی معیاد پوری ہونے کے بعد ہی بحال ہو سکیں گے.