ایمرسن یونیورسٹی کا ایچ ای سی ٹیسٹنگ سروس سے استفادہ کرنے کا فیصلہ
ایمرسن یونیورسٹی کا لیکچرار اور نان ٹیچنگ سٹاف بھر تی کےلئے ایچ ای سی کی ٹیسٹنگ سروس سے استفادہ کرنے کا فیصلہ
تفصیل کے مطابق ایمرسن یونیورسٹی نے تمام مضامین میں لیکچرار کے ساتھ ساتھ نان ٹیچنگ سٹاف بھرتی کرنے کا اعلان کیا تھا، جس کےلئے ہزاروں درخواستیں موصول ہوئیں، جن کی شارٹ لسٹنگ میں شفافیت کو یقینی بنانے کےلئے ایچ ای سی کی ٹیسٹنگ سروس سے مدد لینے کا فیصلہ کیا ہے۔
ذرائع کا کہناہے کہ اسسٹنٹ پروفیسرز کا سلیکشن بورڈ مکمل ہوچکا ہے، جس کے باقی مراحل طے ہورہے ہیں، جبکہ دیگر اسامیوں میں شفافیت کےلئے وائس چانسلر ڈاکٹر محمد رمضان نے سکروٹنی کا عمل ایچ ای سی ٹیسٹنگ سروس کے ذریعے کرنے کا فیصلہ کیا ہے ۔
جس کےلئے ایک مراسلہ ایچ ای سی کو ارسال کردیا ہے کہ جن امیدواروں نے نوکریوں کےلئے اپلائی کیا ہے، ان کا ٹیسٹ لیا جائے۔
امکان ہے کہ آئندہ ماہ اس ٹیسٹ کا انعقاد ہوجائے گا۔
